USD
УАШИНГТОН. 21 қазан. АҚШ президентінің аппараты Дональд Трамптың РФ диктаторы Владимир Путинмен Будапештке белгіленген кездесуі өтпейтін болғанын мәлімдеді. Бұл туралы Dialog.ua ақпарына сүйенген rast.kz хабарлайды.
Ақ үй бұған екі жақтың алдын ала келісімдері жобаға келмегені себеп болғанын баяндады.
АҚШ президенті Дональд Трамп пен Ресей диктаторы Владимир Путиннің Венгрия байтағында өтетін болып белгіленген кездесулеріне дайындық жұмыстары кілт тоқтатылды. Мұны өз мәнбесіне сілтеме жасаған NBC News тілшісі Гаррет Хааке атап көрсетті.
Өзінің кім екенін атамаған америкалық шенеуніктің мәлімдеуінше, кездесуді ұйымдастыру процесі Уашингтон мен Мәскеу арасындағы келіссөздің қазіргі сипатына берілген бағадан кейін кілт доғарылды. Мемлекеттік хатшы Марко Рубио мен Ресей сыртқы істер министрі Сергей Лавровтың осының алдында телефон арқылы сөйлесулері «өнімді» болғаны жайлы атап өтілгеніне қарамастан, Ақ үй диалогты жалғастыруға «екі жақ та әзір дайын емес» деген тұжырымға келді.
