Маск 500 миллиард доллар байлығына жеткен бірінші адам атанды
УАШИНГТОН. 2 қазан. Америкалық миллиардер, Tesla және SpaceX иесі Илон Масктің байлығы 1 қазанда 500 миллиард долларға жетті. Бұл туралы Forbes ақпарына сүйенген rast.kz хабарлайды.
Ғаламшарда одан кейінгі бай адамның жалауын Oracle негізін қалаушы Ларри Эллисон желбіретті.
Ал SpaceX, Tesla және X (бұрынғы Twitter) иегері Илон Маск 500 миллиард долларға бағаланған таза байлығы бар алғашқы адам болды. Бұл оның тарихтағы тұңғыш триллионер болу жолының жартысын құрайды.
Масктың болжамды таза құны Tesla акцияларының айтарлықтай өсуі жағдайында 9,3 миллиард долларға жетіп, 500 миллиард доллар шегінен аттады. Алайда кейінірек бұл көрсеткіш аздап төмендеп кетті. 1 қазандағы сауданың жабылуында Масктың таза құны 499,1 миллиард долларға бағаланды.
2020 жылдың наурызында Forbes журналы Илон Масктың таза байлығын 24,6 миллиард долларға бағалаған болатын. Алайда сол жылдың тамызында Тесла акциялары бағасының тез өсуінің арқасында ол тарихта 100 миллиард долларға жеткен бесінші адам болды. Маск 2021 жылдың қаңтарында 190 миллиард долларға жуық таза байлығымен алғаш рет планетаның ең бай адамы атанған еді. Ол сол жылдың қыркүйегінде 200 миллиард доллар шегінен, ал қарашада 300 миллиард доллар шегінен өтті. 2024 жылдың желтоқсанында Маск 400 миллиард долларға жеткен алғашқы адам атанды.
Сонымен қатар, әлемнің ең бай адамдарының индексін құрастыратын Bloomberg агенттігінің мәліметі бойынша, Илон Масктың таза құны біршама түсіп, 470 миллиард долларға дейін азаюы мүмкін. Oracle негізін қалаушы Ларри Эллисон Bloomberg және Forbes журналының мультимиллиардер рейтингінде екінші орында тұр. Оның таза байлығы, Bloomberg мәліметі бойынша, 120 миллиард долларды құрайды немесе Масктің қазынасынан 150 миллиард долларға аз.
Forbes мәліметтері бойынша, Илон Маск 2033 жылдың наурызына қарай әлемдегі алғашқы триллионер атануы мүмкін. Сонымен қатар, Informa Connect Academy аналитикалық тобы бизнесмен бұл межеге 2027 жылға қарай жетуі мүмкін деп бір жыл бұрын болжаған болатын.
