РФ армиясының шығыс майданды жарып шыққаны жалған екен
КИЕВ. 12 тамыз. Украина Қарулы күштері Ресей армиясының майданның шығыс шебін жарып шыққаны жалған екенін баяндады. Бұл туралы DW ақпарына сүйенген rast.kz хабарлайды.
Қарулы күштер бас штабының мәліметінше, Ресей әскерлері Добропилля мен Покровск бағытында Украина позицияларының бірінші сызығынан кесіп өтіп, шағын топтарға еніп кетуге тырысуда. Алайда, «Днепр» OSUV ресейліктердің шепті бұзып-жарып шыққанын жоққа шығарды.
Украина Қарулы күштерінің «Днепр» (бұрын «Хортыция» деп аталған. – ред.) жедел-стратегиялық күштер тобы түнде Ресейдің жерүсті шабуылдарынан кейін Украинаның шығысындағы майданның серпілісі туралы ақпаратты жалған екенін мәлімдеді «Мұндай топтардың енуі бізден резервтерді тартуды қажет етсе де, мұны «территорияны бақылауға алу» деп санауға болмайды. Мұны түсінбеушілік Покровск – Мирногород агломерациясы ауданындағы ахуалды талдауда бұған дейін де бірнеше рет қателіктерге ұрынуға апарып соқтырды», – делінген «Днепрдің» 11 тамыз, дүйсенбі күнгі кешкі хабарламасында.
Украин әскерлері сондай-ақ айтылып отырған аймақтағы ахуалдың әлі күрделі күйінше қалып отырғанын мойындады, сонымен бірге «тексерілмеген және жеткіліксіз деректерсіз мәнбелерден ақпарат таратпауға» шақырды. Осы аудандағы ұрыс қимылдары басқа жақтармен салыстырғанда барынша қауырт болып тұр.
Украина Қарулы күштерінің бас штабы өз кезегінде 11 тамыздағы есебінде соңғы 24 сағат ішінде Ресей армиясы Добропилля және Покровский бағытында украин әскерлерін кері ығыстыруға 35 әрекет жасағанын хабарлады. «Жау өзінің сандық артықшылығын пайдаланып, көптеген жеке құрамнан айырылып, позицияларымыздың бірінші сызығы арқылы шағын топтарға бөлініп енуге тырысуда. Бас қолбасшының шешімімен қорғаныс шебіне еніп жатқан жаудың диверсиялық топтарын анықтау және жою үшін қосымша күштер мен ресурстар бөлінді», – делінген хабарламада.
Ресейге бір табан жақын The Moscow News таблоиды бүгін аталмыш ауданда РФ армиясының майдан шебін жарып өткенін, осыдан кейін украин әскери бөлімшелерінің жағдайы күрт нашарлап кеткенін жазып еді. Ресурс мұнда қорғанысшылардың Донбасс аумағынан сыпырылып шығатын уақыты таяп қалғанын баяндаған болатын.
