Қырғызстанда соғысқа адам жалдап жүрген ресейлік ұсталды
БІШКЕК. 25 сәуір. Қырғызстанда РФ армиясы құрамында Украинаға қарсы соғысқа адам жалдаумен айналысушы ресейлік блогер қамауға алынды. Бұл туралы Asia-Plus сүйенген rast.kz хабарлайды. хабарлайды.
«Қырғызстанда Ресейден келген блогер Виктор Васильев соғысқа адам жалдап жүр деген күдікпен тұтқындалды», – делінген Бішкектегі Первомайское аудандық сотының баспасөз қызметінің бейсенбі күнгі хабарламасында.
Атап өтілгендей, Кремльдің тапмырмасымен келген блогер 17 маусымға дейін созылатын тергеу уақытында қамауда болады. Оған Қылмыстық кодекстің 43-бабының 3 тармағы мен 416-бабының 1-тармағы бойынша «шетелдердегі қарулы қақтығыстарға қатыстыру үшін жалдамаларды тартуға қатысқаны» үшін айып тағылып отыр.
Бұдан бұрын, 23 сәуірде Қырғызстанның Ош қаласындағы «Русский домның» қызметкері Наталья Секерина қамауға алынған еді. Ол да шетелдердегі қарулы қақтығыстарға қатыстыру үшін жалдамаларды тартуға қатысты деген айыпталуда.
Қырғызстан заңы бойынша оны 10 жылға дейін бас бостандығынан айырылу жазасы күтіп тұр. Сот Секеринаны да 17 маусымға дейін қамауға алды.
«Россотрудничестводағылар» Қырғызстан адаматы Наталья Секеринаның 2024 жылы «Русский домда» жұмыс істегенін растады.
Ал «Россотрудничество» жетекшісі Евгений Примаков «Русский домның» Қырғызстандағы қызметкерін қамауға алудың арандатушылық екенін мәлімдеді.
Осымен бірге ресейлік «Медуза» ресурсы «Регнум» ақпарат агенттігінің бас редакторы Марина Ахмедованың атап өткеніндей, Виктор Васильевтің Африка мен Орталық Азия бойынша сарапшы екен жазды. Оның айтуынша, «Русский домның» қызметкері Секерина секілді оған да жалдамалыларды соғысқа тартуға байланысты айып тағылған. Бұған қоса, сол күні Секеринамен бірге Ош қаласы мэриясы баспасөз қызметінің қызметкері Сергей Лапушкин де қамалған.
«Медуза» сонымен қатар Виктор Васильевтің «Улыбаемся и машем» телеграм-арнасының авторы екенін баяндады. «Досье» орталығы 2023 жылы Васильевтің фамилиясы Луковенко болғанына назар аударды. 2011 жылы ол «Орыс маршы» күні Шри-Ланканың 58 жастағы азаматын өлтіргені үшін 8 жылға қатаң режимді колонияда жазасын өтеуге сотталған болатын. Бірақ Луковенко 5 жылдан кейін шартты-ерте тәртіппен бостандыққа шықты. «Би-би-сидің Орыс қызметі» Луковенконың кезінде Евгений Пригожиннің жеке әскери компаниясындағы саяси технологияның негізін қалаушылардың бірі болғанын жазды. Ол Пригожин өлтірілгеннен кейін Буркино-Фасода Ресейдің ықпалын күшейту жолында қызмет етіпті.
