Жиддада АҚШ тарапы Украинаға бірде-бір ультиматум қоймады
КИЕВ. 12 наурыз. Ресейдің үміті ақталмады: Трамптың командасы келіссөзде Украинаның алдына бірде-бір ультиматум қойған жоқ. Бұл туралы Dialog.ua дерегіне сүйенген rast.kz хабарлайды.
Жиддадағы келіссөздер барысында Трамптың командасы Украинаға бірде-бір ультиматум қойған жоқ.
Кешегі Жиддадағы келіссөзді Украина үшін барынша сәтті өтті деуге болады. Киев америкалық әскери көмекті қалпына келтіруге қол жеткізіп қана қоймай, сонымен бірге барлау мәліметтерімен алмасуға да қол жеткізді.
Дегенмен бұдан да басқа маңызды мәлімет бар. Белгілі болғандай, келіссөздер барысында Трамптың командасы Киевке бірде-бір ультиматум қоймаған.
Америкалық Fox News телеарнасының журналистері АҚШ-тың бұрын айтып жүрген Украинада президент сайлауын өткізу және Зеленськийдің отставкаға кетуі мәселелері жайында бұл жолы ләм-мим деп жақ ашпағанын атап өтті.
Reuters журналистерінің хабарлауынша, Трамп командасы Украинамен Кремль үш жылдан бері талап етіп келе жатқан армияны қысқарту мәселесін де талқыламаған.
Сонымен қатар, Ресей Украина мен АҚШ арасындағы Сауд Арабиясындағы келіссөздер үдерісіне әзірге ұстамдылық танытты. Осылайша, Ресей сыртқы істер министрі Сергей Лавров Кремльдің бітімді емес, атысты толық тоқтатуды талап етіп отырғанын мәлімдеді.
Дегенмен, дәл осы өртті тоқтатып, бейбітшілік орнату үшін «жанжалдың түпкі себептерін» жою қажет.
Еске сала кетейік, Дональд Трамп Украинаға әскери көмек көрсетудің қайта жалғасқанын растады.
