USD
УАШИНГТОН. 28 тамыз. АҚШ-тың барлау қызметі Украина билігінің РФ-ның Курск облысына қатысты ендігі жоспары жайына болжам жасады. Бұл туралы Reuters агенттігінің дерегіне сүйенген rast.kz хабарлайды.
Украина қазір Ресейдің Курск облысының 1200 шаршы шақырымнан астам жерін өзінің бақылауында ұстап отыр. РФ диктаторы Владимир Путинге енді осы шындықты мойындауға тура келеді.
«Украина шабуыл кезінде басып алынған Ресей аумағын сақтап қалуға ниетті», – деді АҚШ барлау қызметінің өкілі. Мұны сәрсенбіде ЦРУ директорының орынбасары Дэвид Коэн мәлімдеді.
Америкалық барлау қызметі аға өкілінің айтуынша, Путин Курск жеріндеге украин армиясы басып алған аумақты қайтарып алу үшін қарсы шабуылға шығады, бірақ онда Ресей армиясын «ауыр шайқастар» күтіп тұр. Ұлттық қауіпсіздік мәселелері жөніндегі конференцияда Коэн Ресей облысының шамамен 300 шаршы мильді (шамамен 800 шаршы км) қамтыған украин шапқыншылығының ауқымы жөнінде әлі баға берілмегеніне назар аударды.
«Біз Путин бұл аумақты қайтарып алу үшін қарсы шабуыл жасайтынына сенімдіміз. Бұл орыстар үшін қиын шайқас болады деп санаймыз», – деп атап өтті Дэвид Коэн.
Ол Кремльдің Ресей аумағын жоғалтуына байланысты «өз қоғамындағы жауаптармен күресуге» тура келетінін айтты. Украина Ресейдің Курск облысына басып кіру кезінде 100 елді мекенді басып алғанын мәлімдеді.
Бұған дейін Путин кез-келген мәміле Украинаның «жердегі шындықты» мойындауынан басталуы керек екенін баяндаған болатын. Ресей Федерациясының осыған қатысты жоспарына сәйкес, Кремль Украинаның оккупацияланған аймақтары бөліктерін, сондай-ақ Қырымды бақылауды сақтап қалуы керек. Бірақ қазір көп уақыт өтпей, таразы басы аунап кетті: Енді Украина Ресейдің Курск облысының 1200-ден астам шаршысын бақылайтынын алға тарта алады. Мүмкін, енді Путиннің «жердегі шындықты» өзі үшін мойындауына тура келетін шығар.
