Бас прокуратураға Алматы облысының экс-прокуроры жөнінде шағым түсті
ТАЛДЫҚОРҒАН. 26 тамыз. Алматы облысының бұрынғы прокурорының Қаңтар оқиғасы кезінде әрекетсіз отырғаны жөнінде жан-жақты баяндалған баянат жіберілді. Бұл туралы ҚазТАГ дерегіне сүйенген rast.kz хабарлайды.
Экс-прокурордың айтулы оқиғалар күндерінде қасақана қимыл-әрекетсіз отырғаны хақындағы арызды ішкі істер органдарының ардагері, полиция полковнигі Серік Ақтымбаев жазды.
«Мен, полиция полковнигі Ақтымбаев, және басқа да офицерлер, Бас прокурорға ресми мәлімдеме жолдаймыз. 2022 жылғы 5 қаңтар күні сағат 18:00-ге таман Алматы облысы полиция департаментінің бастығы, генерал Күдебаев полицияның әкімшілік ғимараттарында сақталған ішкі істер органдарының арт-технологиялық қаруларын қалдырып кету туралы заңсыз бұйрық берді. Осы бұйрықтың салдарынан құпия материалдар, қару-жарақтар мен оқ-дәрілер ұрланды. Мұндай берекесіздіктің орын алуы Алматы облысы прокуратурасының – прокурор, генерал Жылқыбаевтың 2022 жылдың 5 қаңтарындағы әрекетсіздігінен мүмкін болды», – делінген полиция ардагерінің мәлімдемесінде.
Мәлімдемеге қарағанда, сол кезде «Жылқыбаев өзінің өкілеттігі арқасында осы заңсыз бұйрығы үшін Күдебаевқа қарсы қылмыстық іс қозғап, оны сол уақытта тұтқындауға міндеттелінген».
«Дол сол мезгілде Күдебаевтың орынбасары прокурорлық актіні орындау үшін департамент бастығының өкілеттіктерін қабылдап алуға және ғимараттарды қорғауды ұйымдастыруға да, қоғамдық тәртіпті қамтамасыз етуге де міндетті болды. Осылайша, Жылқыбаев Талдықорған қаласы аумағында заңды қамтамасыз ету жөніндегі тікелей прокурорлық ден қою актілері, құқық қорғау органдары мен бекітілген күштерді үйлестіруге, Алматы және Шымкент қалаларының прокурорлары сияқты тікелей міндеттерін орындауға міндеттелді. Алайда мұның ешқайсысы жасалған жоқ және біздегі мәлімет бойынша, прокурор Жылқыбаев Талдықорғаннан 2022 жылдың 5 қаңтарында Күдебаевтан бұрын кетіп қалған», – деп жазады Серік Ақтымбаев өз шағымында.
Тағы бір сорақы болжам: «Қаңтар оқиғасына прокурор Жылқыбаевтың да қатысты бар».
«Бұл – облыстық прокуратураға бекітілген қызметтік қаруды ұрлау фактісі, оның сақталуына бірінші басшы ретінде прокурор Жылқыбаев та жауапты. Өкінішке қарай, арада екі жылдан аса уақыт өтсе де прокуратура қаруды іздестіру шараларын ұйымдастырмай, кінәлілер жауапқа тартылмай отыр. Оның орнына екі жылдан кейін Бас прокуратураның тұтас бір тобы Талдықорған қалалық ПД бұрынғы бастығы, полковник Асқар Нұрсапа мен оның орынбасарын қудалауға кірісті. Олар тіпті іс жүзінде зардап шегущі болып табылады», – дейді полиция ардагері.
Серік Ақтымбаев 2022 жылғы 5 қаңтарда алаңда агрессивті наразылық білдірушілердің полковник Асқар Нұрсапаны есінен танғанша аяусыз соққыға жыққанын, ал облыс прокуроры Азамат Жылқыбаевтың қашып кетуіне байланысты прокуратура біртұтас жүйе ретінде әрекетсіз болғанын еске түсіріп өтеді.
«Сондықтан Бас прокуратураның ҚазТАГ-қа менің мәлімдемеме орай берген жауабындағы полиция қызметкерлерінің өздерінің қызметтік міндеттерін орындамағаны жайын баяндаған түсіндірмесі ешқандай сын көтермейді». – деп атап өтті офицер.
Оның айтуынша, «сол күні Алматы облысының прокуроры, генерал Жылқыбаев та, наразылық білдірушілерге ол әрекетінің заңсыздығын түсіндіруге жауапты бірде-бір прокурор да алаңда көрінбеген».
«Қорытындыда құрметті Бас прокурор, болған қоғамдық қауіпті зардаптар мен прокурор Азамат Жылқыбаевтың әрекетсіздігі арасында тікелей себеп-салдарлық байланыс бар. Осыған байланысты осы өтінішті қарап, Алматы облысы прокуратурасы қызметкерлерінің әрекетсіздігіне құқықтық баға беруіңізді сұраймын. Прокуратураға тағайындалған екі тапаншаның жоғалуы бойынша тергеуді бастаңыз», – деп хатын аяқтайды полиция ардагері.
Еске сала кетейік, ҚазТАГ 11 маусымда 2022 жылғы Қаңтар оқиғалары кезінде Алматы облыстық әкімдігінің ғимаратын қорғап жүрген Асқар Нұрсапаның тәртіпсіз тобырдың тепкісіне ұшырап, аяусыз соққыға жығылғаны жайлы жазған еді. Ал 11 шілдеде Асқар Нұрсапаның әкесі болып келетін Серік Ақтымбаев өзінің ұлын қылмыстық қудалауға түсіріп жүрген Алматы облысының бұрынғы басшылығы мен өңір күштік құрылымдарының жетекшілерін бірінші кезекте жауапқа тарту керектігін айтқан болатын. 15 шілледе ҚазТАГ Талдықорған қоғамдық кеңесінің Асқар Нұрсапаны қылмыстық қудалауды тоқтату жөнінде Президент Қасым-Жомарт Тоқаевқа үндеу жолдағанын жазды.
