USD
ХАРЬКОВ. 17 мамыр. Соңғы үш күннен бері РФ-ның басқыншы армиясы Украинаның Харьков облысы ауданында қатты күш төгіп жатыр. Бұл туралы «Новая газета Европа» ақпарына сүйенген rast.kz хабарлайды.
Мұның жайын «Новая Европаның» жаңа видеосыеда әскери сарапшылар Илья Абишев пен Давид Шарп әңгімелеп, айтып берді.
Ресей Харьковке қарай жойқын жорықты бастады. РФ қарулы күштерінің әскерлері соңғы күндері шекарадан сегіз шақырым ішкері қарай жылжи алды. Ал Украина билігі 12 мамырдан бері шекарадағы селоларда тұратын тұрғындарды эвакуациялап жатыр.
Осы тұста Владимир Путин қазір Харьковты басып алу жоспарында жоқ екенін айтты. Сарапшылар болса, Кремль зұлымының мұндағы мақсаты украин армиясының оңтүстіктегі бөлігінің күшін әлсірету болып отырғанын баяндап отыр. Сонымен бірге оккупанттардың мұндағы ахуалы да оншалықты жақсы емес екені белгілі болып қалды. Олар бұдан артық ілгері жылжи алмаса керек. Себебі, украиндар қорғаныс шептерін едәуір нығайтып алды. Бұған қоса, Ресей армиясы тұзаққа түсіп, қыспақта қалып қойған сияқты. Олардың сапынан қырылушылар украиндарға қарағанда, он есе көп. Украин дрондары орыстардың артқы шептері – тылдарын да миналап тастаған көрінеді. Демек, шегіне де алмайды.
Жаңа видеода әскери сарапшылар Илья Абишев пен Давид Шарп мына шабуылдың түпкі мақсатын әңгімелейді. Олар мұндағы шайқастың жалпы соғысқа қалай әсер ететінін де сөз етеді.
