Түркия су тасқынына ұшыраған Қазақстанға көмек қолын созуға даяр
АНКАРА. 7 сәуір. Түркия билігі Қазақстанда орын алып жатқану тасқынының зардаптарын жоюға көмектесуге әзір екендерін мәлімдеді. Бұл туралы nur.kz ақпарына сілтеме жасаған rast.kz хабарлайды.
«Түрік СІМ өкілдері Қазақстандағы су тасқынына байланысты мәлімдеме жариялады – Түркия елімізге кез келген көмек көрсетуге дайын екенін мәлім етті», – делінген хабарламада.
«Біз Қазақстанның бірнеше өңіріндегі жойқын су тасқынына қатты қайғырып отырмыз, бұл жағдайдан біздің ондаған мың бауырымыз эвакуациялануға мәжбүр болды, сондай-ақ елеулі залал келді. Қазақстан халқы мен Үкіметіне көңіл айтамыз. Түркия табиғи апаттан болған кез келген ауыртпалықты көтеруге дайын», – делінген Түркия СІМ мәлімдемесінде.
Осының алдында Қырғызстаннан бірнеше фура-машиналарға тиелген гуманитарлық көмектің келіп жеткені белгілі болған еді.
