Геннадий Головкин Қазақстан Ұлттық олимпиялық комитеті басшысы болды
АСТАНА. 26 ақпан. Аты әлемге танымал боксшы Геннадий Головкин Қазақстан Ұлттық олимпиялық комитетінің президенті болып сайланды. Бұл туралы Prosports.kz ақпарына сүйенген rast.kz хабарлайды.
Бүгін Астанада Қазақстан Ұлттық олимпиялық комитеті Бас ассамблеясының кезектен тыс отырысы болды. Онда ҰОК президенті мен оның түйінді басқару органдарының сайлауы өткізілді.
Ұйымды 2015 жылдан бері басқарған Тимур Құлыбаев қызметінен босатылды. Оның жұмысына соңғы кездері көп сын айтылды. Соның ішінде Парламент Мәжілісінің бірнеше депутаты Құлыбаев Олимпиялық комитет тізгінін ұстағалы бері еліміз спортшыларының Олимпиадалардағы көрсеткіштері тек құлдыраумен келе жатқанына назар аударылды. Сонымен бірге, комитетті өз туыстары мен құда-жекжаттарына толтырып жібергені сөз етілді.
Бас ассамблея отырысында Геннадий Головкин Қазақстан Ұлттық олимпиялық комитетінің президенті болып сайланды. Бас ассамблея мүшелері оның мүдуарлығын бір ауыздан қолдады.
Геннадий Геннадьевич Головкин 1982 жылы 8 сәуірде Қаоағанды қаласында туған. Ол орта және екінші орта салмақта сынға түскен кәсіпқой боксшы. Әуесқойлар арасында Олимпиялық ойынлардың күміс жүлдегері (2004), әлем чемпионы (2003). Кәсіпқойлар арасында IBF, WBA және IBO версияларында екі дүркіннен әлем чемпионы. Ал IBO версиясының қазіргі чемпионы (2011-2018, 2019 жылдан қазірге дейін).
Кәсіпқойлар рингінде 45 рет шаршы алаңға шығып, 42 рет жеңіске жетті, олардың 37-ін мерзімінен бұрын аяқтады, 1 рет тең шайқасып, 2 кездесуде ұтылды.
Еске сала кетейік, Головкиннің Қазақстан Ұлттық олимпиялық комитетінің президенттігіне ұсынылғаны 14 ақпанда белгілі болған еді.
