USD
КИЕВ. 10 қаңтар. Украинаның Қарулы күштері РФ-ның басқыншы армиясы басып алған Мариуполь қаласы маңында дұшпан үшін маңызды теміржол өткелінің күлін көкке ұшырды. Бұл туралы The Moscow News дерегіне сүйенген rast.kz хабарлайды.
Көпір Мариуполь жанындағы Гранитное селосы тұсында Кальмиус өзеніне салынған. Соққының нәтижесінде өткел толық жойылды, оның маңындағы жанармай цистерналары мен инженерлік көліктер өртенді.
Мариуполь мэрінің кеңесшісі Петр Андрющенконың айтуынша, көпір қаланы Ростов-на-Дону мен Таганрог арасын байланыстыратын темір жолдың бір бөлігі болған.
«Енді Ресейден тікелей теміржолды іске қосу мәселесі ұзақ уақытқа жабылды», – деп атап өтті Андрющенко.
Ол Ресей Федерациясының әскери күштері зымырандарды әуе қорғанысымен атуға тырысқанын, бірақ сәтсіз болғанын, сонымен бірге Украина Қарулы күштері осы сәтті пайдаланып, Мариуполь аймағында жаңадан орналастырылған зениттік зымыран кешендерінің орнын анықтай алғанын айтты.
Қараша айында Ресей жағының Азов теңізі бойымен өтіп, Ростов-на-Дону, Таганрог, Мариуполь, Бердянск, Мелитополь және Джанкой араларын тікелей байланыстыратын теміржол сала бастағаны туралы хабарланған еді. Жаңа бағыт Қырым көпіріндегі жүктемелерід едәуір азайтып, Ростов облысынан Қырымға дейінгі жолды 200 шақырымға қысқартуға мүмкіндік береді.
