USD
АСТАНА. 3 қаңтар. Биылғы жылы 5-8 және 10 сынып оқушылары қазақ тілінен емтихан тапсыратын болып отыр. Бұл туралы Stan.kz ақпарына сүйенген rast.kz хабарлайды.
Өзгерістер 2023-2024 оқу жылынан бастап енгізілді, яғни мамыр айында студенттер мемлекеттік тілді білу деңгейінен тестілеуден өтеді.
Оқу-ағарту министрлігі хабарлағандай, тестілеу жазбаша және ауызша түрде өтеді. Тыңдау, сөйлеу, оқу, жазу секілді дағдылар бағаланады.
Емтихан тапсырмаларын мұғалімдер өздері дайындайды. 5-8, 10-сыныптардағы жылдық баға емтихан және жылдық бағалау нәтижелері бойынша қойылады.
Бұл ретте 2024 жылы қазақ тілін меңгеру деңгейлері енгізіледі. Ұлттық тестілеу орталығы сынақтар өткізіп, сертификаттар береді.
Тілді меңгеру деңгейін анықтауға арналған тест мына топтар үшін міндетті:
– магистратура мен докторантураға түсетін студенттерге;
– мемлекеттік қызметтің «А» органының кадр резервіне енгізілген қызметкерлерге (жоғарғы кадрлық құрам);
– «Болашақ» халықаралық стипендиясына үміткерлерге;
– ҰҚК академиясына түсуге өтініш білдірген студенттерге;
– «Назарбаев зияткерлік мектебінің» мұғалімдеріне.
Еске сала кетейік, бұған дейін бұл емтиханды 9 және 11 сынып оқушылары ғана тапсырып келген болатын.
