USD
КИЕВ. 11 қазан. Украинаға «Єдність» жобасының шеңберінде FPV дрондарының алғашқы партиясы келді, жақын күндерде Путин армиясының төбесінде «от ойнайды». Бұл туралы The Moscow News дерегіне сүйенген rast.kz хабарлайды.
Саны 5 мың данадан тұратын FPV дрондары бүгін Украинаға келіп жетті, енді өте таяу күндерде олар майдан даласына жаппай аттандырылып, Ресейдің оккупациялық армиясы төбесінде «найзағай» ойнатуды еселеп күшейте түседі.
Басқыншылармен соғысқа аса керек болып отырған FPV дрондары волонтерлардың халықтан үш күннің ішінде жинап алған 235 млн гривень ақшасына сатып алынды.
Украина премьер-министрінің орынбасары Михаил Федоров 11 қазан күні өзінің Telegram каналында дрондардың келгенін көрсетті.
Жалпы, Украина «Єдність» жобасының шеңберінде 10 мың дана FPV дронын алмақшы болып отыр. Қазір солардың жартысы – 5 мыңы келіп үлгерді. Бұлар келген бойда украин снарядтарын тасуға бейімделдіру үшін қосымша жұмыстар атқарылуға жіберілді. Содан кейін ұшқышсыз ұшақтар әскери бөлімшелерге таратылып беріледі. Сол кезде украин армиясы РФ-ның басқыншы әскерлеріне нағыз «Әзірет Әлінің ойынын көрсететін» болады.
Айта кету керек, Украина Қарулы күштері FPV дрондарын Ресеймен соғыста бұған дейін де пайдаланып келді. Бұл ұшқышсыз лайнерлер жүрген жерлерінде видео түсіріп, онлайн режимінен сол бойда орталыққа таратып отыратын камерамен жабдықталған. Бірақ олар бұған дейін украин әскерлерінде осыншалықты көлемде көп болған емес.
