USD
КИЕВ. 4 қыркүйек. Украина президенті Володимир Зеленьский қорғаныс министрі Олексий Резниковтің доғарысқа жіберілгенін жариялады. Бұл туралы The Moscow News дерегіне сүйенген rast.kz хабарлайды.
Украина армиясының басшысы соғыстың созылып кетуі және әскери ведомствода жемқорлықтың көрініс беруі салдарынан қызметтен кетірілді.
Мемлекет басшысы оның орнына Украина мемлекеттік мүлік қорының басшысы Рустем Умеровті тағайындауды ұсынды.
«Мен Украина қорғаныс министрін алмастыруға шешім еттім. Олексий Резников кең ауқымды соғыс жанжалының 550 күннен астамынан өтті. Мен министрлік әскерилермен, тұтастай алғанда, адамдармен жаңа әдісте және басқаша форматта жұмыс істеуді қажет етеді деп есептеймін. Енді министрлікті Рустем Умеров басқаруға тиіс», – деді Зеленьский өзінің видеоүндеуінде.
Ол Умеровтің кандидатурасы Жоғарғы раданың қарауына қашан ұсынылатынын ашып айтқан жоқ. Бұған дейін Умеров «Қырым татарлары халқы меджлисінің» басшысы Мустафа Джемилевтің кеңесшісі болған, 2022 жылы көктемде Ресеймен келіссөз жүргізген Украина делегациясы құрамына кірген.
Резниковтің доғарысқа кететіні жайлы әңгіме 2023 жылдың қаңтарынан естіле бастады. Сол кезде қорғаныс министрінің орынбасары украин армиясына қажетті азық-түлік нарық бағасынан екі-үш есе қымбатқа сатып алады деген айыппен қызметінен қуылған еді. Онымен бірге тағы бірнеше жауапты қызметкер жемқорлық айыбымен қызметтеріне босатылды.
Тамыз айында Резниковтің кететін жайлы әңгіме тағы көтерілді. Ол министрлік тізгінін 2021 жылдың қарашасында ұстаған болатын. Бұл жолы мемлекет басшысы министрдің соғыста жаңа леп әкелу үшін ауыстырылып отырғанын ашып айтты.
