Жаңалықтар жаңғырығыОқиға
Қызылордада сауда үйінде ұрлық жасаған күдікті камераға түсіп қалған
![](https://rast.kz/wp-content/uploads/videonablyudenie1.jpg)
ҚЫЗЫЛОРДА. 23 мамыр. Қызылордада сауда үйінде ұрлық жасаған күдікті бейнебақылау камерасына түсіп қалды. Бұл туралы Polisia.kz дерегіне сілтеме жасаған rast.kz хабарлайды.
Оқиға 18 мамыр күні сағат 16:30 шамасында орын алған. Ол Қызылорда қаласы аумағындағы ірі сауда үйлерінің бірінде тіркелген.
«Жәбірленуші өзіне тиесілі дүкенде қызмет жасап тұрғанда күдікті оңтайлы сәтті пайдаланып, кассада тұрған 250 мың теңгені ұрлап кеткен», – делінген хабарламада.
Аталмыш факт бойынша полицейлер жедел-іздестіру шараларын жүргізді. Нәтижесінде 38 жастағы күдікті азаматша көп ұзамай ұсталды.
Қазір ҚР ҚК-нің 188-бабының 1-бөлігімен (ұрлық) сотқа дейінгі тергеп-тексеру əрекеттері жүргізіліп жатыр. Полицейлер оқиғаның мән-жайын анықтайды.