Украина армиясы қарсы шабуылдың бірінші кезеңін бастап кетті
КИЕВ. 29 сәуір. Украина Қарулы күштері Ресей армиясына қарсы шабуылдың бірінші кезеңін ішінара бастап жіберді. Бұл туралы украин пабликтерінің деректеріне сүйенген rast.kz хабарлайды.
Мұны айтқан әскери сарапшы Роман Свитан майдан шебіндегі барлау жауынгерлерінің Ресей беттің 30 шақырымға дейінгі түкпіріне бойлап кіріп кеткендерін айғаққа келтірді. «Қарсы шабуылдың бірінші фазасы деген осы», – деді ол.
Сарапшының айтуынша, украин барлауының белсенді іс-қимылы Пасхадан соң бірден басталып кеткен. Ол бұған барлаушылардың орыс тылында шабуылды жоспарлау үшін керекті мәліметтер мен басқыншылардың түйінді нысандары жөнінде ақпарат жинап жүргенін қосты.
«Барлаушылардың өздері жауынгерлік тапсырманы орындау үшін барлық жерге [оккупацияланған территорияға] кіре береді. Майдан шебінің өн бойына – Кинбурнская косадан бастап, Купянскіге дейінгі аралықта. Барлық жерде біздің барлаушылар «30 шақырымға дейінгі түкпірде [әрекет етеді]», – деді Свитан.
Сарапшы сондай-ақ Украина Қарулы күштерінің Херсон-Запорожье бағытындағы позициясы шабуыл жасауға өте қолайлы екенін айтты, себебі, ресейліктер ол жерлерде теңізге тақалып тұр, олар бір тармақтан ғана жабдық ала алады.
«Ал Донецк бағытында бізге тиімді бірде-бір позиция жоқ. Онда ресейліктер биікте, бізге төбеден қарайды. Донбаста шабуылға шығу барынша күрделі, Донбаста тек Солтүстік Донецтің сол жағалауын айналып өтіп, Сватово мег Кременной арқылы Луганскіге баруға болады. Бірақ онда ресейліктер адам жағынан да, техника жағынан да көп», – деді сарапшы.
