USD
КИЕВ. 13 наурыз. Президент Володимир Зеленьский ресейлік оккупанттар тұтқынында болып, «Украина жасасын!» деп қаза тапқан Олександр Мациевскийге Украина батыры атағын берді. Бұл туралы «Украинская правдаға» жүгінген rast.kz хабарлайды.
Басқыншылар армиясында тұтқында болған өжет украин солдатының соңғы сөзі «Украина жасасын!» болды. Соны айтқан бойында орктар автоматтан оқ жаудырып, оны сөзін аяқтатпастан, окоп ішінде өлтіріп тастады.
Украина президенді кеше кешкілік жасаған күнделікті видеоүндеуінде батырға өзіне лайықты Қаһарман атағы берілгенін мәлімдеді.
«Мен бүгін Олександр Мациевскийге Украинаның батыры атағын бердім. Ол адам – барлық украиндар есімін білуге тиісті солдат. Мәңгі есте сақталатын адам. Оның батылдығы үшін, Украинаның ертеңіне сенгендігі үшін – оның өлер алдында жауға айтқан «Украина жасасын!» деген сөзі үшін», – деді Володимир Зеленьский.
Өткен жексенбі күні Украина қауіпсіздік қызметі соңғы сөзі «Украина жасасын!» болған боздақтың Чернигов облысы территориялық қорғанысы бөлімі 119-шы жеке бригадасы қарауындағы 163-ші батальонның мергені Олександр Мациевский болғанын түбегейлі анықтады.
Бұған дейін, 6 наурыз күні ресейлік оккупанттар қолына түсіп қалған украин жауынгерінің атылып жатқаны жайлы видео әлеуметтік желілерге тарады. Алғашқы күндері оның аты-жөні Тимофей Шадура екен деген де сөз тарады. Бірақ артынан олай емес екені анықталды. Бұдан екі күн бұрын алғаш рет Олександр Мациевскийдің аты аталды. Ал кеше қауіпсіздік қызметі мұны нақтылап берді. Осы күні кешке ержүрек жауынгерге Украина қаһарманы жоғары атағы берілді.
Бұдан алдын біз Олександр Мациевскийдің 1980 жылы өмірге келгенін хабарлаған болатынбыз.
Мұндай жүрекжұтқан жауынгерлері көп украин халқы бұл соғыста әсте жеңілуге тиіс емес.
Ал Батырды атып тастаған орк оккупанттары әлі алда Гаага сотының алдында жауап береді. Украина прокуратурасы қарусыз тұтқынды себепсізден себепсіз атып тастаған басқыншы жаудың үстінен қылмыстық іс қозғады. Әлі бұлардың да кімдер екенін анықталатын болады.
Ескерту!
rast.kz сайтының кез келген материалын редакцияның арнайы рұқсатынсыз көшіріп алып жариялауға тыйым салынады. Плагиат жасаушы «Авторлық құқық туралы» Заңға сәйкес қудаланады.
