Азия елдері Жаңа Қоян жылына қызу дайындалып жатыр
БЕЙЖІҢ. 16 қаңтар. Азияның көптеген елдегі ай күнтізбесі бойынша келгелі тұрған Жаңа жылға қызу дайындық жұмыстарын жүргізуде. Бұл туралы «Sputnik Казахстан» хабарлады.
Белгілі болғанындай, ай күнтізбесі бойынша келетін Қара Су Қояны жылы 2023 жылғы 21-22 қаңтар күндері табалдырықтан аттайды.
Шығыс жұлдызнамасында Қоян жылы ауыс-түйістер мен өзгерістердің, бетбұрыстар мен ордалы оқиғалардың жылы болып есептеледі. Ол көптеген жағдайларда мемлекеттер мен адамдардың тағдырларын шешіп, елеулі өзгерістер енгізіп жатады.
Тағы бір назар аударатын нәрсе, ай күнтізбесіндегі Қоян түз, дала қояны емес, ол – үй қояны, кролик.
Астрологтар үй қоянының нәзік те байсалды хайуан екенін айтады. Сондықтан биылғы жыл да үйлесімді, мейірімді, қайырымды, тіпті романтикалы болатынына болжам жасайды. Сонымен бірге батыл істерге байлығымен, кейбір мәселелердегі шешімталдығымен ерекшеленеді.
Астрологтардың пікірінше, Қоян жылында көбіне-көп ойға келмеген оқиғалар болып жатады, сондықтан осы өзгерістерге қарай тез бейімделе білу керек.
