Ресей оккупанттары Херсон жетім балалар үйінен сәбилерді ұрлап әкетті
КИЕВ. 22 қазан. Ресей оккупант қылмыскерлері Херсондағы жетім балалар үйінен сәбилерді еріксіз алып кетті. Бұл туралы «Стопкор» хабарлады.
Басқыншылар әскерлері өздері уақытша басып алған Симферопольдан «жедел жәрдем» көліктерін әкеліп, Херсон балалар үйінің 46 тәрбиеленушісін әкетіп қалған.
Херсон облыстық әскери әкімшілігінің басшысы Ярослав Янушевский 21 қазан күні облыс жерінен ресейлік оккупанттардың жастары 5-ке толмайтын 50-ге жуық жас бөбекті «жедел жәрдем» көлігіне отырғызып, Қырымға алып кеткенін баяндады.
Янушевский осы заңсыз депортация оқиғасына байланысты Херсон облыстық прокуратурасына шағым түсіргендерін атап өтті.
«Ресейлік қылмыскерлер заңсыз ұстап отырған кішкентай украиндар тезірек украин территориясына қайтарылуы тиіс», – деді ол.
Украина әскери командованиесінің баяндауынша, қазіргі күндері сондай-ақ ресейлік коллаборанттар да өздерінің отбасылары мен мүліктерін алып, қаладан қашып қатыр.
