USD
ЛОНДОН. 14 қазан. Батыстың әскери шенеуніктері Украина алдағы аптаның ішінде ресейлік басқыншыларды Херсоннан айдап шығуы мүмкін екенін айтады. Бұл туралы Financial Times хабарлады.
«Украина күштері Ресейдіғ Херсондағы майдан шебін айдың басында бұзып-жарып өтті, сол кезде оны Ресей Қорғаныс министрі мойындады, бұл Украинаның ақпан айында Мәскеу кең ауқымты көлеммен басып кіргелі уақыттан бергі оңтүстіктегі бірінші мәрте ілгері жылжуы болды. Сол мерзімнен бері Киев Днепрдің батысындағы территорияның айтарлықтай бөлігін қайтарып алды», – делінген хабарламада.
Украина Қарулы күштерінің «Оңтүстік» жедел командованиесі бейсенбі күні Херсон облысының тағы бес елді мекенінің Ресей оккупанттарынан азат етілгенін, ресейлік бақылау бекеті мен командалық-бақылау орталығының және екі буксирлі гаубицасының жойылғанын мәлімдеді.
Батыс әскерилерінің бағалары бойынша, Украина алдағы аптада Херсоннан Днепрге дейінгі аралықты қайтарып ала алады.
FT басылымының пікірінше, Кремль қойған итаршы Владимир Сальдо мен жақтаушысы Кирилл Стремоусовтың отбасыларын Херсон жерінен жанталаса көшіріп жатқандарының өзі орыстар үшін жағдайдың аса қиын екенін аңғарта түседі.
Газет қазір Владимир Путинді сынаушылардың біріне айналған Кремльдің бұрынғы сарапшысы Станислав Белковскийдің пікірін де алға тартады. Ол Telegram-да Ресейдің енді «Херсон үшін шешуші шайқас» өткізгелі тұрғанын жазды. «РФ Херсон қаласы үшін шешуші шайқасқа дайын. Осы үшін алдымен Херсон облысы тұрғындарының айтарлықтай ауқымды бір бөлігін көшіріп әкетуді жоспарластырып отыр. Шамасы, Кремль мен әскер командование РФ-ның өзі аннексиялап алған ауданды ұстап тұру мүмкіндігінің аз екенін мойындаса керек» деп атап көрсетті ол.
Украина 7 қазанға дейін 2400 шаршы шақырымнан астам жерді басқыншылары қол астынан қайтарып алды. Соның ішінде Херсон ауданында – 6, Берислав ауданында 61 елді мекен азат етілді. 12 қазан күні Берислав ауданында 5 елді мекеннің босатылғаны айғақ болды. 13 қазанда коллаборанттар Кремльден Херсон облысындағы тұрғындарды көшіріп алуға көмек сұрады.
