USD
ВАШИНГТОН. 6 ақпан. АҚШ президенті Дональд Трампқа қарсы импичмент процесі оның толықтай ақталып шығуымен аяқталды. Бұл туралы nur.kz хабарлады.
АҚШ конгресі осындай шешімге келген. CNN-нің жазуынша, Дональд Трамптың ақталғанын Ақ үй баспасөз қызметінің басшысы Стефани Гришам та растаған.
Айта кетейік, бұған дейін Құрама Штаттар президенті қызметтік бабын асыра пайдаланып, конгресске кедергі жасады деп айыпталған болатын. Алайда, заң шығарушы органның басым бөлігі президентті кінәсіз деп танып, оның ақталып шығуына дауыс берген.
Импичмент болуы үшін сенаторлардың үштен екі бөлігі президентке қарсы дауыс беруі тиіс еді.
Әзірге Дональд Трамптың өзі жеңісіне қатысты пікір білдірген жоқ. Алайда, 6 ақпан күні халық алдына шығып, мәлімдеме жасауға уәде берді.
Естеріңізге сала кетейік, импичментке қатысты шулы іс өткен жылдың соңында басталды.
АҚШ конгресі палатасының өкілдері ел президенті Дональд Трапмқа импичмент жариялап, олар көшбасшыны парламент сотына екі бап – «өкілеттілігін асыру»” және «конгресске кедергі келтіру» бойынша тартуға дауыс берген.
Сол кезде демократтар Трампты Украина президенті Владимир Зеленскийге қысым көрсетті деп айыптаған болатын.
АҚШ президентінің өзі конгрессте демократтар бастамашы болған импичмент процедурасын олардың саяси өзін-өзі өлтіруі деп атаған.
