Литван журналисі Украинаға Bayraktar алу үшін 2 млн еуро жинады
ВИЛЬНЮС. 27 мамыр. Литван журналисі Андрюс Тапинас Украинаға Bayraktar беспилотнигін сатып әперу үшін бір тәулікте 2 млн еуро қаржы жинады. Бұл туралы lrt.lt хабарлады.
«Литва мен Түркия Қорғаныс министрліктері менің ұсынысыма қарсылық білдірмеді, ал өндірісші «иә» деді. Менің басымда сосын Bayraktar деген бір ауыз сөз кетпей тұрып алды», – деп жазды Тапинас сәрсенбі күні Facebook-те.
Бұған дейін түріктің Baykar компаниясының өнімін украин әскерилері Ресей агрессорларына қарсы өте тиімді пайдаланып келген еді. Мамырдың басында Bayraktar TB2 әскери беспилотнигінен жіберілген ракета Ресейдің Қара теңіздегі Змейный аралының жанында тұрған десантшылар кораблінің талқанын шығарды.
«Украина қанжары қара түнде жарқ ете қалды. Орыс армиясын жерлеуші құрал. Жоғары дәлдікті лазерлі соққысы бар және танкіге қарсы ұзақ қашықтықты «ауа-жер» ракеталы пилотсыз тактикалық жауынгерлік ұшақ. Украинадағы соғыста «Байрактарлар» Ресейдің командалық пункттерін, танкілері мен ракета қондырғыларын жойып үлгерді», – деп жазды Тапинас.
Литван журналисі 24 сағаттың ішінде 2 млн еуродан артық ақша жинады. Оның 26 мамыр күнгі сағат 19:30-дағы сумасы 2 142 887 еуроны құрады.
