Жуырда Бауыржан Байбекке халықаралық іздеу жариялануы мүмкін

АЛМАТЫ. 26 сәуір. Алматы қаласының экс-әкімі, Nur Otan (қазір Аманат) партиясы төрағасының бұрынғы бірінші орынбасары Бауыржан Байбекке халықаралық іздеуге жариялану мүмкін. Бұл туралы Orda.kz хабарлады.

Ақпарат құралы бұл деректі журналист Денис Кривошеевтің Facebook-тегі парақшасында жазғанын атап өтті.

«Жақында Б.Б.К (Бауыржан Байбек) есімді азамат халықаралық іздеуде болады деген қауесет бар. Қажылық сапары енді ұзағырақ болады… Әйеліне де сұрақтар тізімі бар дейді. Бірақ ол ресми түрде декреттік демалыста», – делінген хабарламада.

Алайда, осыған қатысты ресми мәлімдеме әлі еш жерде жариялана қойған жоқ.

Еске сала кетейік, Нұрсұлтан Назарбаевтың туған інісінің баласы Қайрат Сатыбалды қамауға алынғанан кейін, 15 наурызда Бауыржан Байбектің Қазақстаннан Германияға ұшып кетті кеткені жайлы ақпарат тараған болатын. Содан соң оның елге қайта оралғаны хақында ештеңе айтылмады.

Ал кейінгі күндері әлеуметтік желілерде Байбектің Меккеде анасымен бірге қажылықта жүргені түсірілген сурет жарияланды.