«Орыс даусы» Украинадағы соғысқа қарсылық білдірді
РИГА. 23 сәуір. Бүгін түс ауа Латвия астанасында «Орыс даусы соғысқа қарсы» деген атпен ресейлік мұғаджырлардың митингісі болды. Бұл туралы BBC хабарлады.
Митингіге Украинадағы соғысқа наразылық ретінде елдерінен кетіп қалған ресейлік танымал тұлғалар қатысты. Жиынға сондай-ақ Ригада тұратын орыс тілді қауымның өкілдері де келді.
Жиналғандар алдында режиссер Виталий Манский мен актриса Чулпан Хаматова (суретте) сөз сөйледі.
Бұрын президент сайлауы кезінде Хаматова осы соғысты бастап отырған Путиннің сенімді өкілі болған.
Сөйлегендер Ресейдің Украинаға жасап отырған басқыншылық соғысын айыптады. Олар бұл қанды қасапты қалайда тездетіп тоқтату керектігін айтты.
«Біз, орыс тілді қауым, Ресейден басқа жерлерде де осылай митингіге шығып, бұл соғысты айыптауымыз керек. Себебі, соғысты бастау жөніндегі бұйрық орыс тілінде берілді. Біз ешқанда да орктар емеспіз, біз орыстармыз. Соны дәлелдеу үшін мына соғысты тоқтатуға қол жеткізуіміз керек», – деді заңгер Елена Литвинова.
Соңынан жергілікті бұқаралық ақпарат құралдарына сұхбат берген Чулпан Хаматова өзінің Ригадағы жағдайының жақсы екенін жеткізді. Ол өзін көшеде көптеген адамдардың танып, сәлем беріп жататынын, базбірінің әңгімеге шақыратынын баяндады.
