Украина әскерлері кеше жаудың 13 әуе нысанасын жойды

КИЕВ. 10 сәуір. Украина Қарулы күштері өткен тәулікте оккупанттардың 13 әуе нысанасын жойып жіберді. Бұл туралы «Украинская правда» хабарлады.

«Украин әскерлері 9 сәуірде жаудың 4 қанатты ракетасын атып түсірді», – делінген хабарламада.

Украина Қарулы күштері Әуе қорғанысы Facebook желісіндегі парақшасында бұл уақытта Ресейдің 3 ұшағы, 1 тікұшағы, 5 БПЛА-сы және 4 қанатты ракетасы атып түсірілгенін атап көрсетті.

Жалпы, осы күнге дейін РФ басқыншылары мұншалықты шығынға ұшырап отыр:

• жеке құрам – 19 300-ке жуық;
• танкілер ‒ 722 бірлік;
• жауынгерлік бронды машиналар ‒ 1911;
• артиллериялық жүйелер – 342;
• РСЗО – 108;
• ПВО құралы – 55;
• ұшақтар – 152;
• тікұшақтар – 137;
• автомобиль техникасы – 1384;
• кемелер / катерлер – 7;
• ЖЖМ цистерналары – 76;
• жедел техникалық деңгейдегі БПЛА – 112;
• арнайы техника – 25;
• ОТРК/ТРК қондырғылары – 4.