USD
САМАРҚАНД. 4 желтоқсан. Өзбекстанның Самарқанд облысында 13 жастағы мектеп оқушысы шешесімен бірге тұратын ер кісіден екіқабат болып қалған. Бұл туралы CentralAsia.uz хабарлады.
Құқық қорғау органдары осы оқиғаға байланысты қылмыстық іс қозғады. Кәмелетке толмаған қыздың анасымен бірге тұратын көңілдесінен бала көтеріп қойғаны белгілі болды.
Қыз құқық қорғаушыларға шешесімен бес жылдан бері тұрып келе жатқан еркектің өзін бүлдіргенін айтып берді. Ол сыныптастарына анасының көңілдесінің өзін 11 жасынан бері зорлап келе жатқанын мәлімдеген. Мұнысы оның бірінші рет жүкті болуы емес екен.
Тағы белгісі, қыз күйеуінен ажырасқан анасымен 16-дағы анасы екеуі бірге тұрып келеді. Қазір анасы наркологиялық диспансерде емделіп жатқан көрінеді.
Мектеп директорының айтуынша, қыз бала жетімсіз отбасында тұрады, анасы ұдайы арақ ішеді.
Қыз қазір жүктіліктің 26-шы аптасында.
Оны бүлдірген ер кісіге қатысты қылмыстық іс қозғалды. Оған бір жылдан үш жылға дейін бас бостандығынан айыру жазасы берілуі мүмкін.
