USD
АМСТЕРДАМ. 5 қыркүйек. Нидерландтың Амстердам, Гаага, Роттердам, Утрехт және Эда қалаларының билігі тез тағам дайындайтын ресторандарда зиянды тамақ түрлерін шығаруға тыйым салуды ұсынды. Бұл туралы «Московский комсомолец» хабарлады.
Бастама елдің бес қаласындағы адамдар семіздігімен күресу тұрғысынан көтерілді. Сол мақсатта муниципалды билік денсаулық сақтау, ел игілігі және спорт мәселелері жөніндегі мемлекеттік хатшы Пол Блокхейске арнайы хат жолдаған.
Нидерланд қалаларында билік өз азаматтарының рационына ықпал жасай алмайды. Себебі, ол азаматтардың жеке таңдаулары тұрғысынан қарастырылады. Сондықтан оларға қоршаған ортаның заңы әсер етпейді. Осыған байланысты хат авторлары өздеріне қосымша құқықтар беруді сұрайды.
Ал денсаулық сақтау, ел игілігі және спорт министрлігі тамақ түрлерін жетілдіру үшін муниципалитеттермен бірге жұмыс істесуге ниетті екенін білдірді.
