USD
ДЖОРДЖИЯ. 16 маусым. Американың алкогольсіз сусындар өндіруші The Coca-Cola Company компаниясы Роналдудың ишарасына жауап қайтарды. Бұл туралы sports.ru хабарлады.
Португалия құрамасының шабылшысы Криштиану Роналду Венгриямен ойыннан (3:0) кейінгі баспасөз мәслихаты кезінде кока-коланың шынысын ығыстырып қойып, кәдімгі таза су ішу керектігін айтып еді.
Бұқаралық ақпарат құралдары атақты футболшының бұл ишарасынан кейін кока-кола сусынын ішушілердің күрт азайып кетіп, компанияның бірден 4 млрд долларға шығынға отырғанын жарыса жазды. Алайда, бұл ақпар шындыққа жанаспайтын болып шықты.
Бұдан бұрын Роналду өзінің Coca-Cola мен Pepsi сусындарын ішпейтінін бірнеше рет мәлімдеген болатын. Оның айтуынша, бұл сусындарды ешқашан жарнамалап көрмепті, ал ұлының оларды ішуіне тыйым салыпты.
Coca-Cola компаниясы өзінің осыған байланысты жасаған мәлімдемесінде «әркімнің өзі қалаған сусыны болатынын» айтып, бәрі «талғамға байланысты» екенін білдірді.
